Taighean-tasgaidh na Gàidhealtachd

Tha Taigh-tasgaidh & Gailearaidh Ealain Inbhir Nis, Taigh-tasgaidh Sluagh na Gàidhealtachd agus Tasglann Dhealbhannan na Gàidhealtachd uile nam pàirt de High Life na Gàidhealtachd a chaidh a stèidheachadh le Comhairle na Gàidhealtachd gus seirbheisean ionnsachadh agus cur-seachad coimhearsnachd a lìbhrigeadh às a leth. Tha High Life na Gàidhealtachd na chompanaidh earranta fo bharrantas agus clàraichte ann an Alba fo Àireamh SC407011. Tha e cuideachd clàraichte mar charthannas Albannach fo Àireamh SCO42593.

Ar Lèirsinn

Tha sinn ag amas air seirbheis taigh-tasgaidh fàilteach a thoirt seachad, a bheir brosnachadh, ionnsachadh agus tlachd do gach neach.

Gus ar lèirsinn a choileanadh tha sinn a’ tabhann seirbheis dhan phoball a tha a’ gabhail a-steach:

• Luchd-obrach aoigheil agus càirdeas anns na taighean-tasgaidh
• Taisbeanaidhean fad-ùine agus sealach a bhios fosgailte dhan phoball airson ionnsachadh agus toilinntinn
• Tasglann Dhealbhan na Gàidhealtachd air loidhne
• Cothrom lethbhreacan de dhealbhan a cheannach bho Thasglann Dhealbhan na Gàidhealtachd
• Prògram obrach a bhrosnaicheas na tha a’ gabhail pàirt ann
• Seirbheis ionnsachaidh is inntrigidh a tha a’ bualadh air feumalachdan is ùidh nan coimhearsnachdan
• Seirbheis cheistean co-cheangailte ri na cruinneachaidhean